Skënder Kurtit, ish-trajner i kombëtares së boksit, ndërroi jetë sot në moshën 61 vjeçare për shkak të koronavirusit. Djali i tij, Renato, ka publikuar një mesazh shumë prekës në rrjetet sociale teksa i drejtohet babait të tij të ndjerë.
“Qofsh i xhenetit shoku im më i ngusht, baba im. Zoti të mirët i merr me vete, paç dheun e lehtë bab, me ty ka vdekur edhe gjysma ime sot. S’ndahesh dot nga zemrat tona. Do jetosh me mu n’krah, në shpirtin tim derisa të bashkohemi”, shkruan Renato Kurti.
Për ndarjen e parakohshme të Skënder Kurtit kanë shprehur ngushëllime liderët e shtetit dhe njerëzit e sportit në vend.
