Një lokal në qytetin e Tiranës, ka thyer sërish urdhrin për mbylljen e aktiviteteve për të parandaluar përhapjen e Covid-19.
Policia e Shtetit bën me dije se më herët lokali është gjetur i hapur më 27 mars dhe është ndëshkuar me gjobë. Por administratori i këtij aktiviteti ka thyer sërish vendimin e qeveris për të mbyllur aktivitet. Ndaj tij është marrë masa për të qëndruar i mbyllur për 6 muajt e ardhshëm.
“Më datë 27.03.2020 lokali është konstatuar i hapur për herë të parë dhe pronari është ndëshkuar me masë administrative.
Administratori i lokalit shtetasi F.B, është konstatuar përsëri duke mbajtur hapur lokalin dhe duke i shërbyer klientëve dhe në zbatim të Aktit Normativ Nr. 3 të datës 15.03.2020 është ndëshkuar përsëri, me mbyllje të aktivitetit për 6 muaj.
Policia e Shtetit apelon për respektim të masave kufizuese dhe fton qytetarët që në rast se konstatojnë lokale të hapura apo grumbullime personash, si dhe qytetarë që thyejnë vetëkarantinimin, të denoncojnë në numrin 112 apo në Komisariatin Dixhital, pasi në këtë mënyrë kontribuojmë për të parandaluar përhapjen e COVID-19.”
