Duke filluar nga 6 prilli në komunën Canonica d’Adda, në provincën e Bergamos pazari do të ndahet në bazë të seksit.
Burrat dhe gratë do të bëjnë pazaret në supermarket në bazë të ditëve të caktuara.
Vendimi i kryetarit, Gianmaria Cerea, u botua pa komente të mëtejshme, në llogarinë zyrtare sociale të Bashkisë, dhe menjëherë ngjalli polemika midis popullatës, të cilët kërkuan arsyen për një vendim të tillë.
Sipas vendimit, gratë do të jenë në gjendje të bëjnë blerje të martën, të enjten dhe të shtunën, ndërsa burrat do të kenë edhe një ditë plus: të hënën, të mërkurën, të premten dhe të dielën.
