Kryeministri në detyrë, Albin Kurti gjatë një vizite në Gjilan ka folur dhe rreth propozimit të kandidatit të ri për kryeministër. Ai është shprehur se qeveria tani është e fokusuar në luftën ndaj koronavirusit dhe se nuk duhet të shpërqendrohet me tema të tjera politike.
“Të mos shpërqendrohemi nga temat e tjera ku prioritet është shëndeti i qytetarëve dhe parandalimi i përhapjes së pandemisë. Nuk kemi kohë për të humbur me çështjet e ping-pongut politikë.”
Kurti tregoi se ditën e sotme do të ketë një takim online me qeverinë lidhur me masat që po merren për qytetarët në përpjekje për të shmangur përhapjen e koronavirusit.
“Sot do të kemi një takim në qeveri, takim online. Lidhur se si do të vazhdojmë me masat në vijim në mënyrë që të kemi kufizim të lëvizjes sepse lëvizja e qytetarëve është lëvizje e virusit.“-u shpreh ai.
