Në një intervistë të dhënë për gazetën gjermane ‘Bild’, Giuseppe Conte ka kërkuar ndihmë të menjëhershme nga Bashkimi Evropian në përballjen me koronavirusin. Kryeministri Italian ka theksuar se Brukseli duhet të reagoje me pa “nëse” dhe pa “po”, në të kundërt italianët do të braktisin përfundimit ëndrrën evropiane dhe secili do të jetë për veten e tij.
“Është në interesin reciprok të Evropës, kjo varet nga sfidat, përndryshe ne duhet të braktisim absolutisht ëndrrën evropiane dhe të themi secili është për veten e tij. Ne do të përdorim trefish, katërfish, pesëfish burime për të dalë nga kjo krizë dhe nuk do të kemi asnjë garanci se do ta bëjmë atë në mënyrën më të mirë, më efektive dhe në kohë. Evropa duhet të përgjigjet pa ‘nëse’ dhe pa ‘por’, përndryshe qytetarët do të zhgënjehen”, është shprehur Conte.
Kryeministri Italian tha se është e papranueshme që vendet e BE-së të mos përdorin një pjesë të madhe të buxhetit të tyre për të luftuar me COVID-19, siç kanë bërë SHBA dhe Kina që kanë vënë në dispozicion 13% të PBB-së të tyre.
