Gjermania ka përjetuar sot tronditje të madhe pasi numri i vdekjeve të regjistruara brenda një dite nga koronavirusi arriti në 333. Kjo është shifra më e lartë e vdekjeve e raportuar ndonjëherë në Gjermani që kur virusi u kthye në pandemi.
2349 është numri total i vdekjeve në shtetin më të fuqishëm të Evropës, por shifra e fundit ka ngritur shqetësimin se ky vend mund të ketë fatin e Italisë, Spanjës dhe Britanisë së Madhe të goditura fort nga COVID-19.
Shumë studiuesve dhe shkencëtarëve u kishte bërë përshtypje fakti që Gjermania, edhe pse me një numër të lartë infektimesh, aktualisht janë 113.296, kishte një numër shumë të vogël vdekjesh. Dhe gjermanët janë duke bërë përpjekje të vazhdueshme që të qëndrojnë në këtë situatë, por zhvillimet e fundit nuk janë aspak optimiste.
