Artistja me famë botërore, Pink, dhe djali i saj 3-vjeçar u infektuan me koronavirus dhe tashmë për fat të mirë janë shëruar plotësisht.
Këngëtarja ka treguar në një intervistë për “Ellen Show” simptomat që kishte gjatë netëve kur kuptoi se ishte infektuar me COVID-19.
Pink përshkroi situatën kur u zgjua në mes të natës me dhimbje kraharori dhe vështirësi në frymëmarrje.
“Ishte 18, 19 dhe 20 mars kur djali kishte temperaturë. Unë u zgjova një nga këto netë në mes të natës dhe nuk merrja dot frymë. Kisha një dhimbje në kraharor. U tremba shumë. Mendova do shkojmë në spital, por çfarë do bëjmë më pas? Kjo është padyshim gjëja më e frikshme që kam përjetuar në jetë”, u shpreh ajo.
Këngëtarja falënderoi të gjithë mjekët që janë në vijën e parë të kësaj beteje, teksa vendosi të dhurojë 1 milion dollarë në shërbim të personave të prekur./fjala.al
