Zelanda e Re është duke bërë atë që shumë vende e kërkojnë me shpirt për ta arritur në luftën ndaj koronavirusit.
Ky vend për katër ditë rresht ka raportuar vetëm shifra në rënie të rasteve të reja me Covid-19.
Deri më tani numri i rasteve të përgjithshme në këtë vend është 1,239, ku është shënuar vetëm një vdekje, ndërsa 14 persona janë të shtruar në spital dhe 317 të tjerë janë shëruar nga koronavirusi.
Zelanda e Re është një vend i vogël me më pak se 5 milionë banorë, dhe masat e marra nga qeveria duket se kanë rezultuar të suksesshme, transmeton CNN.
Por cilat janë arsyet që Zelanda e Re ka një numër kaq të vogël të prekurish me koronavirus?
Zelanda e Re ka marrë masa shtrënguese të jashtëzakonshme duke bllokuar prej kohësh kufijtë që nga data 20 e muajit të kaluar.
Sipas qeverisë çdo zelandez që kthehet nga vendet e tjera do të duhet të kalojë 14 ditë në karantinë për të parandaluar përhapjen e koronavirusit.
Gjithashtu Zelanda e Re në luftën ndaj koronavirusit ka pasur dy avantazhe; shtrirjen gjeografike dhe marrjen në kohë të masave parandaluese.
Reagimi i qeverisë zelandeze ndaj Covid-19 është një leksion për lidershipin botëror sa i përket menaxhimit e krizave.
“…Do të thotë që plani ynë po funksionon”, u shpreh sot kryeministrja e Zelandës së Re, Jacinda Ardern në një fjalim përpara mediave.
