Deri tani nuk kishim të dhëna se koronavirusi mund të prekë sërish ata që janë shëruar prej tij, por të dhënat e fundit janë vërtet të frikshme.
Nga mediat e huaja mësohet se në Korenë e Jugut kanë rezultuar pozitivë me koronavirus 91 persona, pasi e kishin kaluar më parë këtë virus.
Drejtori i Qendrës Koreane për Kontrollin dhe Parandalimin e Sëmundjeve, Jeong Eun-kyeong, tha se “virusi mund të jetë riaktivizuar”.
Kim Woo-joo, profesor i sëmundjeve infektive, theksoi se numri 91 me siguri që do të rritet. Ndërkohë, epidemiologët koreano-jugorë po mundohen të gjejnë shkakun e rikthimit të Covid-19.
Epidemiologët mendojnë se virusi mund të qëndrojë i fjetur në qelizat e njeriut dhe me shumë mundësi nuk ka fuqinë që të infektojë të tjerë.
Burimi: Alarabiya.net, Fjala.al
