Takimi që zhvillohej që prej datës 7 prill nëpërmjet Skype-t midis ministrave të Financave të vendeve anëtare të Bashkimit Evropian, është mbyllur mbrëmë me një marrëveshje. Ministrat arritën marrëveshjen për një përgjigje të përbashkët ndaj pasojave që do të shkaktojë koronavirusi në ekonominë e unionit, duke miratuar një fond që shkon në 540 miliardë euro.
Ishte Holanda që dy ditë me radhë mbajti pezull bisedimet, ndërkohë që shtetet e jugut, Italia dhe Spanja, po shtonin presionin për një përgjigje positive.
Marrëveshja përfshin vënien e 500 miliardë euro menjëherë në dispozicion dhe një fond stimulimi në vazhdim.
Fondi i përbashkët i sigurimit për punësim është përcaktuar në 100 miliardë euro, 200 miliardë janë siguruar nga Banka Evropiane për t’u dhënë likuiditet firmave dhe një kredit prej 240 miliardë për të ndihmuar ekonominë për t’u rimëkëmbur nga kriza e pandemisë.
