Mediat italiane kanë reaguar me tone të ashpra ndaj deklaratave të kryeministrit Giuseppe Conte ndaj opozitës.
Conte doli konferencën e pestë për shtyp dje rreth orës 19:30 të së premtes ku bëri me dije fazën e dytë të virusit, për lehtësimin e masave dhe detaje të rëndësishme sa i përket situatës në vend pasi tha se izolimi shtyhet deri në 3 maj.
Megjithatë Conte ka zhgënjyer më pas të gjithë italianët, pasi në mesin e kësaj krize të koronavirusit ai ka nisur të sulmojë opozitën, duke i kërkuar sqarime për masa ekonomike dhe dështimin me euro bondin.
Këto deklarata nuk janë pritur aspak mirë nga asnjë person, pasi duke parë situatën ku nodhet vendi fqinj, Kryeministri ka treguar më shumë interes për të sulmuar kundërshtarët politikë.
Për këtë situatë, gazetari i njohur italian Enrico Mentana , njëkohësisht drejtori i L7, si edhe shumë gazetarë të tjere reaguan kundër kësaj deklarate, ku u shprehën se gabuan që e lanë të transmetohej live sulmi i kryeministrit ndaj opozitës.
“Nëse do ta kishim ditur që Conte do të përdorte personalisht konferencën për shtyp duke sulmuar opozitën, ne nuk do ta transmetonim atë pjesë.”-ka thënë gazetari italian Enrico Mentana./Fjala.al/
