Një paketë ndihme prej 70 milionë dollarësh do të miratohet nga Qeveria për t’u ardhur në ndihmë qytetarëve të goditur më fort nga izolimi për shkak të koronavirusit.
-Masat kufizuese deri në fund të majit, Rama jep detaje
Punonjësit e bizneseve të mëdha që kanë humbur punën do të marrin 400 mijë lekë (të vjetra), ashtu si edhe punonjësit e bizneseve të vogla të mbyllura që nuk morën ndihmë në paketën e parë, apo ato biznese të vogla që kanë qëndruar hapur por që kanë punuar me xhiron minimale. 10 mijë punonjës në turizëm të cilët nuk po punojnë aktualisht do të marrin gjithashtu një ndihmë prej 400 mijë lekësh (të vjetra).
Për bizneset prodhuese, fasoneritë dhe atyre të turizmit do të jepet 150 milionë dollarë garanci sovrane ku nga Qeveria do të merret përsipër kosto e interesit.
Sipërmarrjet në sistemin bankar, telekomunikacionin dhe furnizimit me mall, që kanë pasur volum të rritur, pagesat e kësteve të tatim fitimit do të mund t’i bëjnë pas 30 shtatorit. Për bizneset e turizmit, fasoneve, call center dhe bizneset e vogla deri në 14 milionë lekë në vit pagesat do të shtyhen përtej 31 dhjetorit të këtij viti, të kësteve të tatim fitimit.
