Ministri i Brendshëm, Sandër Lleshaj iu ka bërë thirrje shqiptarëve që të mos e shpërdorojnë zgjatjen e fashave të orarit duke bërë lëvizje të panevojshme.
Përmes një postimi në rrjetet sociale, Lleshaj shpjegon se qëllimi i zgjatjes së orareve është që të krijohen lehtësira për vajtjen dhe ardhjen në punë si dhe të mos krijohen radhë në tregje.
“Fashat e reja të kohës së qarkullimit, synojnë lehtësim të vajtjes dhe ardhjes në punë dhe ulje të dendësisë së qytetarëve në tregje dhe në rrugë. Në funksion të kësaj, Policia do t’i shtojë përpjekjet që hapësirat e reja të përdoren në funksion të frenimit të COVID-19 dhe të mos shpërdorohen nga persona të papërgjegjshëm. Për këtë qëllim janë shtuar kapacitetet e kontrollit me njerëz dhe teknologji moderne. Qytetarët janë të lutur të bashkëpunojnë me autoritetet në funksion të qëllimit të madh të ruajtjes së jetës.”, shprehet Lleshaj.
Lexo edhe:
Koronavirusi/Policia kap me dron njerëzit që shkelin karantinën-VIDEO
