Tajlanda ka raportuar rastin e parë fatal të transmetimit të koronavirusit të ri nga një pacient i vdekur te një ekzaminues mjekësor, një konstatim që ekspertët thonë se shton shqetësime për sigurinë në morg dhe punëtorët e agjencive funerale.
“Ky është raportimi i parë në botë që koronavirusi, COVID-19 ka shkaktuar vdekje në personelin e një njësie të Mjekësisë Ligjore, i cili besohet se është infektuar nga një pacient i vdekur” shkruhej në Gazetën ‘Forenzikë dhe Mjekësi Ligjore’ ditën e dielë.
Organizatat shëndetësore, përfshirë OBSH-në, kanë bërë thirrje që personat që merren me trupat e pajetë të jenë të kujdesshmë, sepse ende nuk dihet plotësisht se si transmetohet virusi i ri.
“Profesionistët e forenzikës duhet të veshin rroba mbrojtëse, doreza, syze mbrojtëse dhe maskë. Procedura e dezinfektimit që zbatohet në dhomat e operacionit mund të përdoret edhe në repartin e forenzikës”, thuhet në një lajmërim.
“Jo vetëm ekzaminuesit mjekësorë, por teknikët e morgut dhe njerëzit në shtëpitë e varrimit duhet të bëjnë kujdesshëm,” tha Angelique Corthals, një profesor i patologjisë në Kolegjin John JAY të Drejtësisë Penale të CUNY.
“Është një shqetësim i vërtetë.”, tha ajo.
Dihet shumë pak se për sa kohë koronavirusi i ri mund të mbijetojë në trupat e vdekur ose nëse kufomat mund të jenë ngjitëse për njerëzit që i trajtojnë ato.
“Autopsitë dhe hetimet pasuese paraqesin rreziqe reale që të kontratojnë COVID-19”, tha ajo.
“Ne duhet të kujdesemi për njerëzit që kujdesen për të vdekurit.”
“Aktualisht, nuk ka të dhëna për numrin e saktë të kufomave nga COVID-19 pasi nuk është një praktikë rutinore të ekzaminohet për COVID-19 trupat e vdekur në Tajlandë.”
“Nga stafi kërkohet kujdes i veçantë sidomos nga kontakti i mundshëm me lëngjët trupore të viktimave.”, tha Corthals.
Tajlanda ka raportuar vetëm 2,579 raste, megjithëse ishte një nga vendet më të hershme që raportoi koronaviurusin jashtë Kinës. Vdekja e anëtarit të ekipit mjekoligjor ishte vetëm rasti i dytë i raportuar në mesin e personelit mjekësor në Tajlandë që nga 20 mars./ Burimi: Buzzfeed News Përshtati: Fjala.al
R.G
