Vendimi i presidentit amerikan Donald Trump për të ndaluar financimet për OBSH-në, në mes të pandemisë së koronavirusi është pritur me reagime të ashpra nga liderët politikë të vendeve të ndryshme dhe njerëz me influencë botërore.
Një ndër ta është edhe manjati i Microsoft, Bill Gates.
Së bashku me bashkëshorten e tij Melinda, Gates kanë deklaruar se presidentit amerikan Donald Trump për të ndaluar fondet për OBSH-në është “kaq i rrezikshëm sa edhe tingëllon”.
“Ndalimi i fondeve për Organizatën Botërore të Shëndetit gjatë një krize botërore shëndetësore është po aq e rrezikshme sa tingëllon. Puna e tyre po ngadalëson përhapjen e COVID-19 dhe nëse ajo punë ndalet, asnjë organizatë tjetër nuk mund t’i zëvendësojë ato. Bota ka nevojë për OBSH tani më shumë se kurrë”, shkruan Bill Gates në Twitter.
Halting funding for the World Health Organization during a world health crisis is as dangerous as it sounds. Their work is slowing the spread of COVID-19 and if that work is stopped no other organization can replace them. The world needs @WHO now more than ever.
— Bill Gates (@BillGates) April 15, 2020
Fondacioni Gates është një nga donatorët më të mëdhenj të Organizatës Botërore të Shëndetësisë.
