Kryeministri Edi Rama ka folur për masat që po merr qeveria e tij për ndihmën në paketa ekonomike si dhe procesin e rihapjes.
Në një lidhje me Skype për emisionin “Opinion”, Rama në fjalën e tij është ndalur edhe tek sporti dhe ka përsëritur edhe një herë se nuk ka ndërmend të ndihmojë futbollistët në këto ditë të vështira të koronavirusit.
Ai shtoi se pagat e futbollistëve janë të mjaftueshme për të përballuar disa muaj pa ndeshje, pasi sipas kreut të qeverisë lojtarët gënjejnë për shifrat që deklarojnë.
“Futbollistët në Shqipëri marrin paga shumë të majme, por deklarohen sikur kanë rroga fasonësh. Për këtë arsye, ne mendojmë se ata nuk kanë pse të ndihmohen nga shteti këtë periudhë.
Mund ta menaxhojnë fare mirë situatën me pagat e majme që marrin gjatë vitit”, -tha Rama./Fjala.al/
