Politika nuk i harron debatet politike as në këtë kohë të vështirë të krijuar nga koronavirusi. Kështu deputeti i opozitës së re, Kujtim Gjuzi është kapur me kryetarin e Kuvendit Gramoz Ruçi.
Sipas Gjuzit, sot është shkelur Kushtetuta dhe kjo nuk ka ndodhur as në 100 vite në parlament.
“Sot është shkelur kushtetuta, nuk ka ndodhur në 100 vite parlament. Në këtë koncept Rama ka shkelur kushtetutën me aktet normative. Zoti kryetar nëse ju doni të vazhdoni t’i bëni presion opozitës së përgjegjshme, që ruajti parlamentit dhe nuk e shkatërroi atë. Zoti kryetar nuk mundet TV shqiptar që të cilësojë atë apo këtë kryetar. Nuk duhej të mblidhej sot Kuvendit”, është shprehur Kujtim Gjuzi.
Nga ana e tij, Ruçi i është përgjigjur Gjuzit që të mos flasë pa i kuptuar rrethanat pasi në ëtë kundërt do ta nxjerrë nga salla.
“I dashur deputet mesa duket.,,, ma kërkon etika dhe njerzillëku, por nuk ke të drejtë të thuash që aktet normative janë në kundërshtim me kushtetutën. Duhet të punosh që të kuptosh se çfarë kanë bërë vendet e tjera, si senati amerikan. Mos fol nga vendi se mund të të nxjerr nga salla.”, u shpreh Ruçi.
