Qeveria suedeze ka reaguar ndaj kritikave për vendimin e saj për të shmangur masat e rrepta, që synojnë parandalimin e Covid-19. ”Është një mit që jeta vazhdon normalisht në Suedi”- u tha gazetarëve ministrja e Jashtme, Ana Lind, duke theksuar se shumë pjesë të shoqërisë janë mbyllur, dhe se si rezultat i pandemisë, bizneset po shkojnë drejt falimentimit.
Baret, dyqanet dhe shkolla vazhdojnë që të jenë ende të hapura në Suedi, por qeveria ka ndaluar grumbullimin e më shumë se 50 personave, si dhe vizitat në azilet e pleqve.
Suedia ka regjistruar 1.333 vdekje, në një popullsi prej 10 milionë banorësh. Kreu i agjencisë së shëndetit publik, Johan Karlson, tha se Suedia po mbështetet në përgjegjësinë personale të qytetarëve, kështu që “të gjithë qytetarët duhet të zbatojnë ligjin dhe rekomandimet”.
Deputetët miratuan të enjten një ligj, që i jep mundësi qeverisë të përforcojë masat gjatë javëve të ardhshme, me mbylljen e bizneseve, kufizimin e tubimeve publike, dhe mbylljen e aeroporteve. Ekspertët janë të ndarë, për sa i përket qasjes së qeverisë suedeze, por sondazhet tregojnë që ajo është popullore për publikun, raporton korrespondetja e BBC nga Stokholmi, Medi Sevixh. Ndërkohë ministrat e kabinetit, nuk kanë bërë të ditur asgjë për ndonjë bllokim të afërt.
S.T
