Vajza e Joaquín ‘El Chapo’ Guzmán u shfaq në një transmetim të drejtpërdrejtë në ‘Facebook’ të martën duke paketuar kuti me ushqime dhe ilaçe për të moshuarit gjatë pandemisë së koronaviursit në Meksikë.
Alejandrina Gisselle Guzmán e shoqëruar nga anëtarë të kartelit, vizitoi lagje të ndryshme të varfëra për të ofruar ndihmë në të gjithë zonën e Guadalajara.
Pakot e shpërndara nëpër Guadalahar mbanin fotografinë e El Chapos ashtu sikurse edhe maskat mbrojtëse.
“Kam kënaqësinë t’ju vizitojë dhe t’ju sjell dhuratat nga El Chapo”, shkruante ajo krahas videos.
Qëllimi kryesor i Guzmán ishte të shpërndante sa më shumë ushqime për të moshuarit të cilët janë dhe më të ekspozuar ndaj krizës aktuale.
Guzmán i bërë thirrje publikut të shpërndajë informacionin e kontaktit te çdo person i moshuar, i cili ka nevojë për ndihmë, pasi ajo do të ofrojë ndihmën e nevojshme për këdo që ka vërtetë nevojë.
“Ne ju lutemi, t’na drejtoni tek njerëzit që me të vërtetë kanë nevojë për ndihmë, të cilët nuk kanë mbështetje themelore të qeverisë, as nga familja dhe as nipërit e mbesat”, tha Guzmán.
El Chapo është duke vuajtur dënim të përjetshëm në Shtetet e Bashkuara për trafik droge, por gjatë periudhës si udhëheqës i kartelës së Sinaloas, ai ishte i njohur për bamirësitë e tija masive ndaj të varfërve, sidomos në vendlindjen e tij./ Burimi: Daily Mail Përshtati: Fjala.al
