Media britanike BBC ka bërë me dije se shkencëtarët në Britaninë e Madhe që po punojnë për zbulimin e një vaksine kundër koronavirusit, shpresojnë të fillojnë provat klinike deri në fund të javës tjetër.
Sipas Sarah Gilbert, profesoreshë në Universitetin e Oksfordit, askush nuk është imunizuar deri më tani, por ekipit të saj iu dha leja, të fillonin rekrutimin e vullnetarëve.
Gilbert tha se ajo shpreson se testimet klinike do të fillojnë brenda ditëve të ardhshme.
“Ne jemi duke pritur të bëhen testet përfundimtare të sigurisë dhe të jepen miratimet përfundimtare”,-u shpreh ajo.
Më tej ajo shtoi se studiuesve iu duhet mbështetje nga qeveria e Mbretërisë së Bashkuar për përshpejtimin e prodhimit të vaksinës./Fjala.al/
