Kryeministri Edi Rama u ka kërkuar të gjithë qytetarërve që të verifikojnë nëse bizneset e tyre janë pjesë e listës që do të hapën nesër, pasi nëse nuk janë pjesë e listës atëherë është një shkelje ligjore.
Nga nesër do të lejohen të gjitha bizneset që merren me instalime elektrike, hidraulike, dhe disa specialitete të tjera të ndërtimit. Dyqanet e shitjes së luleve, byrektoret, fast-food, kancelaritë, kioskat ku lejohet shitja e gazetave, gjithashtu hapen nga e hëna. Gjithashtu, pjesë e listës së bizneseve që do të jenë hapur janë edhe tregjet me shumicë dhe pakicë të mallrave elektronikë, elektroshtëpiakeve, ushqimorë, e bujqësorë.
Gjithashtu kryeministri Rama ka shkruar se duke parë dhe ecurinë ndaj Covid-19 më 27 prill ose 3 maj mund të hapen dhe një kategori tjetër biznesesh të cilët janë mbyllur për të parandaluar përhapjen e koronavirusit.
Postimi i plotë:
? KUJDES! ? KONSTATOJMË SE KA DYQANE JOUSHQIMORE QË LAJMËROJNË HAPJE PËR NESËR! HAP I NXITUAR NË KUNDËRSHTIM ME LIGJIN ÇDO HAPJE E PAMIRATUAR NGA MINISTRIA E SHËNDETËSISË!
? BIZNESET E LEJUARA, NË BAZË TË URDHËRIT TË MINISTRES SË SHËNDETËSISË PËR JAVËN E ARDHSHME (20-26 PRILL), JANË TË PUBLIKUARA NË PORTALIN E-ALBANIA, SË BASHKU ME PROTOKOLLET PËRKATËSE TË SIGURISË SHËNDETËSORE.
? HAPJA E ÇDO AKTIVITETI TJETËR JASHTË ASAJ LISTE TË MIRATUAR ËSHTË E KUNDËRLIGJSHME. E-ALBANIA DO TË KETË GATI NGA SOT NË MBRËMJE EDHE LEJEN PËR USHTRIM AKTIVITETI NË BAZË TË LISTËS SË MIRATUAR, TË CILËN ÇDO BIZNES DUHET TA DISPONOJË NGA E MARTA E TUTJE PËR USHTRIMIN E VEPRIMTARISË SË VET.
? JU LUTEM VERIFIKONI në faqen e e-albania nëse biznesi juaj mund të hapet nesër?
*duke parë ecurinë e përballjes me Armikun e Padukshëm, do të vendoset dhe lajmërohet në ditët në vijim hapja e mundshme e një blloku tjetër biznesesh gjatë javës së mëpastajme (27 PRILL – 3 MAJ)
