Gjatë 24 orëve të fundit në Nju Jork janë shënuar 540 viktima nga koronavirusi. Guvernatori i shtetit të Nju Jorkut, Andrew Cuomo tha të shtunën se kjo ishte shifra më e ulët ditore e vdekjeve në më shumë se dy javë.
Numri i personave që shkojnë në spitale për ndihmë mjekësore është rreth 2000, që për autoritetet konsiderohet i madh.
Nju Jorku, që është edhe shteti i goditur më rëndë në SHBA nga COVID-19, ka urdhëruar vënien e detyrueshme të maskave ose të mbulesave të fytyrës në publik për të frenuar përhapjen e virusit.
