Situata e krijuar nga koronavirusi në Itali ka bërë që krerët e disa klubeve të vendosen kundër njëri-tjetrit në lidhje me zgjidhjen që duhet të jepet.
Presidenti i Brescia-s Masimo Selino ka vazhduar me sulmet ndaj homologëve të tij italianë për tentativat e vazhdueshme për të rinisur kampionatin.
Së fundmi në një prononcim për mediat, Selino ka ironizuar presidentin e Lazio-s Claudio Lotito duke theksuar se ai është një person “që di të bëjë të gjitha profesionet: shkencëtar, aktor, psikolog. etj”.
Duhet të rikujtojmë se kreu i klubit të Brescia-s është shprehur përherë kundër vazhdimit të kampionatit italian duke theksuar se Italia po kalon një krizë të rëndë humanitare dhe rreziku për jetën është i lartë.
“Në Itali kemi Lotiton që bën aktorin, shkencëtarin, psikologun dhe austronautin. Ata kanë shtyrë EURO 2020 dhe Lojërat Olimpike, mendojnë se jemi kaq budallenj”, -tha Selino./Fjala.al/
