Ministrja e Shëndetësisë Ogerta Manastirliu ka deklaruar se ditën e sotme ka nisur zhvillimi i analizës serologjike në Shqipëri.
E gjitha kjo bëhet sipas saj për të monitoruar nivelin e anti-trupave në organizëm në betejën ndaj koronavirusit.
Manastirliu tha se nëpërmjet saj shihet nëse pacienti e ka kaluar ose jo sëmundjen si dhe nëse organizmi i tij ka formuar anti-turpa ndaj virusit.
Ajo shtoi se analiza serologjike në Shqipëri është përfshirë në një studim për zhvillimin e anti-korpeve.
Ministrja shpjegoi se fillimisht analiza do të kryhet tek mjekët, infermierët dhe policët dhe më pas në bazë të rezultateve do të vendoset nëse do të kalojë në të gjithë popullatën.
“Ne kemi filluar sot edhe një pjesë e mjekëve e kanë kryer sot sepse janë qindra e mijëra testimeve që do të bëhen për mjekët, infermierët dhe policët. Analizën serologjike e kami përfshirë në një studim për zhvillimin e antikorpeve. Nëse validohet do t’i kalojë të gjithë qytetarëve. Ne duam të kemi sa më shumë teste të validuara dhe presim të validohen nga OBSH. Ne jemi shumë të fokusuar ta bëjmë këtë, do të shohim rezultatet dhe më pas do ta shtrijmë në popullatë”, tha Manstirliu për ‘Opinion’.
