Ylli i skuadrës së Interit, Romelo Lukaku tronditi të gjithë opinionin publik teksa tha se 23 nga 25 lojtarët e ekipit zikaltër ishin të sëmurë.
“Në janar, 23 nga 25 lojtarët ishin të sëmurë, kush e di nëse ishte coronavirus”-deklaroi Lukaku.
Megjithatë duket se zikaltërit nuk preferuan të reagojnë publikisht, të kritikojnë hapur sulmuesin belg për këtë deklaratë, por sipas “La Gazzetta dello Sport”, Inter i “tërhoqi veshin” Lukakut.
E përditshmja italiane theksoi se kjo deklaratë e Lukakut është shumë kontradiktore. Lukaku tha për 23 lojtarë të sëmurë pasi u rikthyen nga pushimet e Krishtlindjeve. Ndërsa nga 6 janari kur Inter zhvilloi ndeshjen e parë me Napolin kishte vetëm dy lojtarë në infermieri, Asamoah dhe D’Ambrosio, të dy të dëmtuar prej kohësh.
Nga viti 2020, në shtëpinë ziklatër zyrtarisht janë regjistruar vetëm 4 raste të sëmurë më grip. Ndërsa asnjë lojtar tjetër, asnjë drejtues, nuk ka rezultuar pozitiv me Covid-19 deri në fund të janarit./Fjala.al/
