Kryeministri Justin Trudeau ka dhënë lajmin e mirë për studentët, studimet e të cilëve janë ndërprerë dhe mundësitë për të punuar janë të pamundura për shkak të pandemisë së krijuar nga COVID-19.
Ai tha se secili student që ka mbaruar shkollën e mesme do të marrë 1.200 dollarë, deri në muajin gusht, për të kompesuar punën e humbur dhe oraret e reduktuara. Përfitimi mund të arrijë në 1.700 dollarë për personat me aftësi të kufizuara.
Trudeau thotë se përfitimet dhe masat si rritja e bursave dhe një program pune i zgjeruar i mbështetur nga qeveria, do të arrijnë në 9 miliardë dollarë.
Vendimi i sotëm bazohet në disa nga masat që qeveria federale tashmë ka ndërmarrë për të ndihmuar në mënyrë specifike të rinjtë për të kapërcyer krizën shëndetësore., tha ai.
Gjithashtu ai vendosi një moratorium pa gjashtë muaj pa pagesë në shlyerjen e kredive studentore.
Forcoi gjithashtu programin e Punëve Verore në Kanada për të inkurajuar punëdhënësit të punësojnë punëtorë të rinj për punë thelbësore. Këtë vit, punëdhënësit do të marrin një subvencion deri në 100 përqind të pagës minimale krahinore ose territoriale për çdo punonjës të ri – një rritje nga subvencioni i zakonshëm i pagave 50 përqind./Burimi: Fr24news
