Deputetja e Partisë Socialiste ka surprizuar të gjithë teksa ka deklaruar se është gati të heqë dorë nga politika për një profesion të ri.
Duke folur për ditët e saj në karantinë Kodheli ka rrëfyer se është duke i zbatuar rregullat me përpikmëri pasi jeton me mamanë më të moshuar, ndërsa ka shtuar se do ta ndërronte profesionin e politikanes me atë të kuzhinieres profesioniste.
“Jam munduar të respektoj rregullat e përcaktuara dhe jo vetëm rregullat që duhet të zbatojmë. Kanë qenë më të ekzagjeruara, sepse jetoj me mamanë më të moshuar dhe nuk dua që askush në shtëpi të infektohet nga ky virus. Nuk ka qenë pushim absolut, një pushim aktiv i një natyre tjetër. Në përgjithësi kur je në shtëpi është pak e vështirë të ndash nënën, gruan, dhe kur rri në shtëpi kur ke shumë kohë që nuk qëndron zbulon skuta të cilat nuk i ke ditur, kujtime etj. Bëj shaka me miq dhe shokë , se kur të mbarojë këtë periudhë do të kthehem në kuzhiniere profesioniste dhe do lë profesionin që kam”, është shprehur Kodheli për Vizion Plus.
Sipas Kodhelit vetëizolimi ka qenë një moment reflektimi edhe për të.
“Reflektimi ka qenë i thellë, i domosdoshëm. Ka qenë momenti që duhet të ndalonim dhe të reflektonim sadopak. Duhet të reflektonim nga jeta që bënim, informacioni “fake”, ndalimi për shkak të dëmit që i bënim mjedisit. Të krijohet ideja që ti je i vogël. Shoqëria kishte disa plagë që duhet t’i kurojë. Gjithkush ka bërë reflektimin e vet, të vijë në jetën normale me gjëra pozitive”, thotë ajo.
