Kancelarja gjermane Angela Merkel ka folur mbi situatën e koronavirusit dhe fazën në të cilën ndodhet pandemia aktualisht.
Ajo ka deklaruar se Gjermania është ende në fillim të pandemisë së COVID-19.
Sipas saj, njerëzit do të duhet të jetojnë me të për një kohë.
“Nuk jemi në fazën finale të pandemisë, por në fillim të saj. Kemi fituar kohë dhe do ta shfrytëzojmë ta forcojmë sistemin shëndetësor në Gjermani”, ka shtuar Merkel në një mbledhje të Bundestagut.
Merkel është shprehur se Organizata Botërore e Shëndetësisë është partner i pashmangshëm për Gjermaninë.
Gjermania sipas saj, do ta përkrahë punën e OBSH-së, raporton Reuters.
Kancelarja pranoi se situata do të jetë shumë e vështirë edhe për një kohë të gjatë, ndërsa kërkoi që njerëzit të tregohen të kujdesshëm. “Pandeminë e mundim vetëm nëse reagojmë globalisht”, u shpreh më tej Merkel.
