Kina njoftoi se i ka dhuruar 30 milionë dollar të tjera Organizatës Botërore të Shëndetit për të parandaluar dhe kontrolluar koronavirusin e ri, Covid-19.
“Kjo do të shërbejë për të parandaluar dhe kontrolluar epideminë COVID-19, dhe për të mbështetur zhvillimin e sistemeve shëndetësore në vendet më pak të pasura”, tha Geng Shuang, zëdhënës i diplomacisë kineze.
Ndërkohë Shtetet e Bashkuara javën e kaluar njoftuan pezullimin e kontributit të tyre për OBSH, pasi sipas tyre menaxhimi i krizës ndërkombëtare të Covid-19, nuk ka qenë e mjaftueshme. Donald Trump, denoncoi gjithashtu menaxhimin e pandemisë së OBSH-së, duke e akuzuar atë për lëshimin e rekomandimeve të gabuara.
Sekretari i Shteteve të Bashkuara, Mike Pompeo, ka këmbëngulur të mërkurën që Kina nuk e informoi OBSH-në “si duhet” për shpërthimin e coronavirusit.
