Kryeministri i Shqipërisë Edi Rama përmes një lidhjeje direkte në Facebook-un e tij ndërsa ka uruar besimtarët myslimanë për nisjen e muajit të Ramazanit, ka shprehur mirënjohjen ndaj klerit shqiptar që vendosi të mbyllë kishat dhe xhamitë kur vendi është pushtuar nga koronavirusi.
“Nevojës jetike të mbarë popullit dhe të Shqipërisë për të mos i hapur asnjë shteg armikut të padukshëm në këtë rast duke u mbledhur në emër të Zotit mu siç i duhet armikut të padukshëm për të na prerë dhe për të na vrarë.
Me maturi e mirëkuptim në Zot, por edhe në shkencë tempujt u zëvendësuan me kishën shtëpiake me mesxhidin e familjes me teqenë e zemrës në lutjet e besimtarëve. Falë kësaj mençurie të klerit shqiptar, tempujt sot të kyçur, do të rihapen nesër pas asnjë njollë gabimi njerëzor në punët e liga të armikut padukshëm.
Sepse ditët e mira pastaj do të vijnë, kleri shqiptar do t;u mësojë edhe atyre që nuk besojnë në zot se nga shtëpitë e zotit këtu në Shqipëri vjen veç e mira edhe për ta”, u shpreh Rama.
