Ditën e sotme në gjykatën e Sarandës është vendosur urdhër mbrojtjeje për 17-vjeçaren S.B nga prindërit e saj, Vullnet dhe Elida Bekteshi.
Dy ditë më parë 17-vjeçarja denoncoi në policinë e Sarandës 72-vjeçarin Bajram Tusha. Ai akuzohet për veprën penale “Marrëdhënie seksuale ose homoseksuale me dhunë me të mitur”. Ndërkohë që 17 -vjeçarja që nga mbasditja e së mërkurës ndodhet në një qendër rehabilitimi në Tiranë.
Në kopjen e këtij vendimi, tashmë urdhër, lëshuar nga gjykata, kopje të cilën, e kanë edhe prindët e adoleshentes S.B, thuhet: Ndalimi i të paditurve, Elida Bekteshi dhe Vullnet Bekteshi për t’u takuar, kontaktuar ose komunikuar drejtpërdrejtë ose tërthorazi me fëmijën e tyre,
S.B. Fëmija e mitur të strehohet përkohësisht larg familjes.
Kohëzgjatja e masave të mbrojtjes, sipas këtij urdhëri, është deri në datën e përfundimit të gjykimit për vërtetimin e urdhërit të menjëhershëm të mbrojtjes, deri në datën 30 prill 2020, në orën 11.00.
