Ditën e sotme janë konfirmuar pozitiv me koronavirus 34 persona, duke shënuar kështu numrin më të lartë të regjistruar ndonjëherë gjatë 24 orët në Shqipëri.
Ndërkohë në qytetin e Beratit është konfirmuar një rast i ri, bëhet fjalë për një 16-vjeçare nga fshati Kostren, njësia administrative Roshnik.
Bëhet me dije se 16-vjeçarja nuk ka shfaqur komplikacione, por mamaja e saj është në gjendje të rëndë.
Është ende e paqartë se si janë infektuar këto dy persona, por ndërkohë u është bërë tampon dhe njerëzve që kanë pasur kontakte me to.
