Mjeku Pëllumb Pipero më herët tha se dëshironte të infektohej nga Covid-19, por menjëherë pas kësaj dekalrate ai e ka sqaruar duke thënë se donte të ishte pozitiv nga IgG, që do të sillte më pas edhe imunitetin natyral ndaj COVID-19.
Në një prononcim për Dosja.al, mjeku Pipero sqaroi se nuk kishte shprehur dëshirën për tu infektuar me Covid-19, por të fitonte imunitet ndaj tij.
“Është e vërtetë që do të dija të isha pozitiv me IgG që tregon fillimin e fitimit te imunitetit pas rënies në kontakt me virusin, pra të atij që quhet imunitet natyral, dhe në asnjë mënyrë i sëmurë, edhe pse njerëz jemi dhe mund të sëmuremi. Ka një dallim esencial midis analizës përmes tamponit që është diagnostikuese dhe serologjisë që dëshmon rënie në kontakt, pra ekspozim, dhe fitim gradual të imunitetit!,”-sqaroi mjeku.
