Që kur në Itali dhe më pas në të gjithë botën filluan të merreshin masat e izolimit për shkak të pandemisë së koronavirusit, njerëzit u dyndën në supermarkete për t’u furnizuar me ushqime.
Letrat higjenike, makaronat dhe mielli ishin produktet që kërkoheshin më shumë, por interesi nuk ishte i vogël edhe për produktet e tjera duke sjellë boshatisje të rafteve në dyqane.
Rrjeti i supermarketeve ‘Coles’ në Australi ka bërë një vëzhgim për produktet që nuk janë shitur sa të tjerat, madje kanë mbetur stok. Bëhet fjalë për çamçakëzat dhe mentet.
Tashmë që njerëzit po punojnë kryesisht nga shtëpitë dhe kanë shmangur kontaktet me njerëzit e tjerë, është ulur edhe interesi për çamçakëzat.
Çdo produkt që përdoret kryesisht në zyra, siç janë edhe sallatat e paketura, nuk janë shitur pothuajse fare gjatë kësaj periudhe.
