Qeveria në Spanjë ka bërë thirrje për ‘maturi dhe kujdes’ pas publikimit të disa imazheve që tregojnë turma në rrugë që nuk respektojnë distancën e sigurisë.
Dita e dielë është e fëmijëve nën 14 vjeç të cilët mund të dalin shëtitje për një orë. Koha larg shtëpisë është një lehtësim për të vegjlit, të cilët, ashtu pjesa tjetër e popullsisë, janë mbyllur në shtëpi për gjashtë javë për shkak të gjendjes së alarmit nga përhapja e koronavirusit.
Vendet më të populluara kanë qenë parqet dhe rrugët kryesore të qyteteve. Ky lehtësim u bë në të njëjtën ditë kur Spanja regjistroi rritjen e saj më të vogël ditore në numrin e vdekjeve nga koronavirusi në më shumë se një muaj.
Sipas urdhrit, ata që paraqesin simptoma ose janë në izolim në shtëpi për shkak të një diagnoze të koronavirusit, ose të cilët janë në karantinë sepse kanë pasur kontakte me dikë të diagnostikuar ose me simptoma, nuk mund të dalin në rrugë./Fjala.al/Burimi: LaVanguardia
