Ilaçi është një copë sintetike e ADN-së e quajtur ‘aptamer’ që lidh një proteinë të quajtur nukleolinë që gjendet në sipërfaqen e qelizave.
Studimet e mëparshme kanë treguar që aptameri parandalon kanceret e ndryshme duke parandaluar infektimin e qelizave të tjera të shëndetshme.
Ekipi nga Universiteti i Louisville në Kentucky thotë se ky ilaç mund të parandalojë edhe përhapjen e koronavirusit nëpër trup.
Aptameri u zbulua nga një ekip i udhëhequr nga Dr Paula Bates, një profesore e mjekësisë në Universitetin e Louisville.
“Ashtu si shumë shkencëtarë, sapo dëgjova për koronavirusin, dëshiroja të ndihmoja dhe fillova të mendoj se si fusha ime e kërkimit mund të kryqëzohet me përpjekjet e kërkimit të koronavirusit,” tha ajo në një deklaratë.
Bates planifikon të punojë në Laboratorin Rajonal të Biokontrollimit Rajonal të Universitetit Louisville, një nga vetëm 12 laboratorë rajonalë dhe dy laboratorë kombëtar të biokontrollimit në SH.B.A.
Bates tha që ajo ka testuar ilaçin në qeliza, por shpreson që së shpejti të fillojë studimet klinike te njerëzit.
“Zakonisht, zhvillimi i një ilaçi nga e para kërkon shumë vite, më pas kalon në fazën e testimit tek kafshët për të provuar nëse ëshë i sigurt apo jo dhe në fund provohet tek njerëzit për të parë nëse funksionon ashtu siç duhet. Pra ky proces kërkon shumë vite.
Aptameri është testuar tashmë tek njerëzit, në pacientët me kancer dhe ne po planifikojmë ta përdorim atë edhe tek pacientët me Covid-19 dhe shpresojmë ta bëjmë sa më shpejt”, shprehet doktoresha.
Doktoresha shpreson që ekipi i saj të marrë sa më shpejt miratimin e Administratës së Ushqimit dhe të Barnave të Sh.B.A për të filluar gjykimet.
Për shkak se një vaksinë mund të hidhet në treg midis 12-18 muajsh, ajo sugjeron se trajtimi me këtë ilaç do ndihmojë në ngadalësimin e përhapjes.
“Ekzistojnë disa prova që tregojnë se ky ilaç mund të zvogëlojë përhapjen e koronavirusit dhe të gjithë mund të përfitojnë nga ajo”, përfundon Dr Paula Bates./Ora/
