WhatsApp ka shënuar një rënie me 70% të mesazheve që ridërgohen nga njëri-tjetri, një mënyrë kjo për të mos përhapur informacioneve të rreme apo dezinformime për koronavirusin.
Organizata Botërore e Shëndetësisë tha se përhapja e atyre që njihen si “Fake-News” rreth pandemisë tashmë quhet “Info-demic”. Dy javë më parë, WhatsApp ndaloi dërgimin e të njëjtit mesazh drejt më shumë se 5 personave apo më shumë se një grupi chat-i.
Një zëdhënës i rrjetit social tha se WhatsApp është angazhuar në ndalimin e mesazheve virale, duke monitoruar me kujdes bisedat personale dhe ato private, që kanë lidhje me Covid-19. WhatsApp ka qënë kyç në përhapjen e informacioneve të rreme përgjatë periudhës së pandemisë.
Ekspertët thonë megjithatë se WhatsApp dhe kanalet e tjera të mesazheve private janë më të vështira për tu monitoruar në krahasim me Facebook, Twitter apo Youtube. Dhe duket se me zbutjen e agresionit të virusit vdekjeprurës, edhe WhatsApp e ka kaluar pikun e tij për informacionet e lajmet e rreme./Burimi:BBC Përshtati: Fjala.al
