Pasi u shërua nga koronavirusi, Boris Johnson ka marrë drejtimin e qeverisë britanike. Ai është rikthyer sot në Downing Street ku ka kërkuar ashpërsimin e masave ndaj koronavirusit.
Në një fjalim drejtuar britanikëve Johnson ka kërkuar zgjatjen e karantinimit dhe forcimin e masave në luftën ndaj koronavirusit, shkruan BBC.
Johnson tregoi gjithashtu edhe dëmet që ka sjellë koronavirusi në ekonomi ndërsa iu kërkoi britanikëve që të tregohen më të duruar, pasi sipas tij, rreziku nga koronavirusi mbetet gjithmonë i pranishëm.
Megjithatë, sipas Johnson kjo situatë nuk mund të vazhdojë përgjithmonë. Për këtë arsye, qeveria e tij do të hartojë një strategji për të filluar procesin e hapjes dhe daljes së qytetarëve nga shtëpitë e tyre./Fjala.al/
