Chris Woodhead ka gjetur një alternativë për ta bërë sa më interesante dhe të paharrueshme çdo ditë të karantinës: një tatuazh të ri në trupin e tij çdo ditë që qëndron i izoluar.
Tatuazhet i pikturon vetë, i ulur mbi divanin në sallonin e ndenjes në shtëpinë e tij në Londër. Disa minuta i kalon për të gjetur vendin e duhur për tatuazhin e radhës.
Me kalimin e ditëve bëhet edhe më e vështirë pasi shumë pak pjesë të trupit kanë mbetur pa u gdhendur, duke nisur nga gishtat e deri në qafë.
Tatuazhet janë të stileve të ndryshme. Chris ka qenë i pasionuar pas tatuazheve prej 15 vitesh, që në moshën 18 vjeçare. Sot ai numëron thuajse 1 mijë tatoo, 40 më shumë që prej shpërthimit të pandemisë Covid-19.
Chris ka edhe një orar të caktuar kur bashkë me bashkëshorten Emma, ulet çdo ditë nga ora 14-16, dy orë në ditë për të realizuar tatuazhin e ri, një mënyrë e cila sipas tij shërben edhe si një terapi kundër ankthit dhe stresit nga koronavirusi dhe izolimi./Përshtatur nga BBC për Fjala.al
