Suedia është duke përjetuar numrin më të lartë vdekjeve nga koronavirusi, madje me shifra edhe më të rënda se ato në Shtetet e Bashkuara të Amerikës.
Për një çast u mendua se Suedia e kishte gjetur sekretin për të luftuar koronavirusin, pa pasur nevojë të marrë masa të ashpra. Por gjithçka rezultoi e kundërta për Suedinë.
Për këtë arsye, kjo tregon se ka disa probleme shumë reale me qasjen e Suedisë ndaj koronavirusit.
Siç tregojnë shifrat Suedia është në të vërtetë shumë më keq sesa vendet e tjera skandinave, madje edhe më keq se Shtetet e Bashkuara që ka numrin më të madh të rasteve të konfirmuara në botë.
Arsyeja e nivelit të lartë të vdekjes në Suedi ka të bëjë me politikat e qeverisë.
Pas këshillave të epidemiologut kryesor të vendit, Anders Tegnell, qeveria suedeze zgjodhi të mos imponojë bllokime të rrepta, ose mbyllje të mëdha kufijsh sepse qeveria mendonte se do të dëmtonte ekonominë.
“Bllokimi i njerëzve në shtëpi nuk do të funksionojë në një afat më të gjatë. Herët a vonë, njerëzit do të dalin gjithsesi”, tha Tegnell.
Nga ana e tyre ekspertët thonë se shumica e suedezëve ndoqën udhëzimet për distancimin social dhe qëndruan vullnetarisht në shtëpi, ata që vazhduan të pinin në bare dhe dyqane me gjasë përhapën sëmundjen tek të tjerët, shkruan New York Times.
