Trafiku i drogës nga Shqipëria drejt Italisë nuk e ndal as koronavirusi. Në portin e Barit janë kapur më shumë se 900 kilogramë drogë.
Nga 900 kilogramët e lëndës narkotike të sekuestruara, 646 kg janë marijuanë dhe 250 kilogramë janë hashash.
Droga u sekuestrua nga policia në Bari në bashkëpunim me ushtrinë e Departamentit të Operacioneve Ajrore dhe Detare të Guardia di Finanza. Dy burra, dy vëllezër nga Torre Canne, një vendpushim bregdetar në Fassa, u arrestuan nën akuzën e trafikut ndërkombëtar të drogës, raportojnë mediat e vendit fqinj.
Operacioni është zhvilluar gjatë natës mes të hënës e të martës. Shitja e kësaj droge do të bënte që të fitoheshin plot 10 milionë euro. Policia shqiptare është habitur me këtë operacion, pasi rradhët e kaluara trafikantët, shumica kanë qenë shqiptarë.
