Vlora është qyteti i radhës që goditet nga krimi, pas Durrësit, Lezhës dhe Shkodrës.
Nga një sherr i çastit mes dy familjeve për motive pronësie ka humbur jetën një 60 vjeçar.
Ngjarja mësohet se ka ndodhur në lagjen “11 Janari” Vlorës, rreth orës 10:04, pranë një karburanti.
Sipas policisë, viktima është identifikuar si B.M., i cili është transportuar me urgjencë në spitalin Rajonal të Vlorës, por nuk ka mundur që t’i mbijetojë plagëve të marra. Ndërkaq, autori është identifikuar dhe është shpallur në kërkim.
Vlorë/ Informacion paraprak
Rreth orës 10:04, pranë një karburanti në lagjen “11 Janari” Vlorë, dyshohet se pas një konflikti për motive pronësie midis 2 shtetasve (fqinjë) ka mbetur i dëmtuar rëndë shtetasi B.M., 60 vjeç, i cili ka ndërruar jetë në Spitalin Rajonal të Vlorës. Policia ka identifikuar autorin dhe po punohet intensivisht për kapjen dhe arrestimin e tij”, njofton policia.