Futbollisti 21-vjeçar i Indipendente Limeiras, Kaio Felipe Santos Silva, ka humbur jetën nga shkarkesa elektrike, teksa ishte duke luajtur me një balonë.
Ishte vetë klubi ai që bëri publik këtë lajm të rëndë përmes një postimi në faqen zyrtare në “Facebook”.
Mediat braziliane raportojnë se anësori i majtë po luante me balonën e tij, kur ajo ra në kabllot e tensionit të lartë, shkarkimi elektrik i të cilave ishte fatal për të riun.
“Me dhimbje Indipendente Futebol Clube ju njofton ndarjen nga jeta të lojtarit Kaio Felipe. I shprehim famlijes dhe miqve ngushëllimet e sinqerta”, thuhet në postim.
Deri në momentin kur u ndërpre kampionati, futbollisti kishte luajtur 22 ndeshje dhe kishte shënuar gjashtë gola./Fjala.al/
