Shtetet e Bashkuara të Amerikës kanë shtuar akuzat ndaj Kinës në lidhje me përhapjen e koronavirusit në botë.
Sekretari amerikan i Shtetit, Mike Pompeo ka thënë se SHBA-të besojnë se ka shumë laboratorë në Kinë që punojnë në patogjene (bakter ose mikrob që shkakton sëmundje) ngjitëse, por nuk e di nëse objektet kanë siguri të përshtatshme për të parandaluar pandemitë e ardhshme.
“Ne vlerësojmë se ka laboratorë të shumtë brenda Kinës që po vazhdojnë të punojnë, me patogjenet ngjitëse”,- deklaroi Pompeo në një konferencë për shtyp në Departamentin e Shtetit.
“Ne nuk e dimë nëse ata po punojnë me një nivel të sigurisë për të parandaluar që kjo (pandemia e koronavirusit) të ndodhë përsëri. Mos harroni kjo nuk është hera e parë që ne kemi pasur një virus të dalë nga Kina”, shtoi ai./Fjala.al/
