Shërbimi i Çështjeve të Brendshme dhe Ankesave ka njoftuar ditën e sotme se janë pezulluar nga detyra tre efektivë të Policisë së Sarandës dhe cështja e tyre është në prokurori. SHÇBA bën me dije se pas transmetimit të një emisioni, ku ka dyshime për abuzim seksual ndaj një të miture nga disa persona, ka filluar menjëherë hetimi.
Mësohet se në bazë të hetimeve akuzohen për shpërdorim detyre tre policë të Komisariatit të Sarandës. “Komisar S.B., Shef i Seksionit të Policimit në Komunitet; – N/Komisar R.I., Specialist për Dhunën në Familje dhe të Miturit,dhe Inspektor B.N., SPZ”, të cilët do të përballen me akuzën “Shpërdorimi i detyrës, në ngarkim të punonjësve të policies”.
Njofimi:
“SHÇBA referoi materialet në Prokurori për 3 punonjës policie në Komisariatin e Sarandës për “Shpërdorim detyre”. Shërbimi për Çështjet e Brendshme dhe Ankesat (SHÇBA) pas transmetimit në TV të një emisioni, ku ka dyshime për abuzim me një minorene nga disa persona, menjëherë filloi hetimet duke konkluduar në referimin e materialeve procedurale në Prokurorinë Pranë Gjykatës së Shkallës së Parë Sarandë, për veprën penale “Shpërdorimi i detyrës, në ngarkim të punonjësve të policisë:
– Komisar S.B., Shef i Seksionit të Policimit në Komunitet në Komisariatin e Policisë Sarandë;
– N/Komisar R.I., Specialist për Dhunën në Familje dhe të Miturit, në Komisariatin e Policisë Sarandë;
– Inspektor B.N., SPZ në Komisariatin e Policisë Sarandë.
Duke falënderuar median për denoncimin e rasteve, inkurajojmë edhe qytetarët të vijojnë të denoncojnë çdo rast kur punonjës të Policisë së Shtetit shpërdorojnë detyrën duke telefonuar falas në 0800 90 90.”
