Me 90 vota pro, 9 kundër, 5 abstenim- akti normativ nr. 15, datë 15 prill 2020 “Për disa ndryshime në ligjin nr. 88/2019, “Për buxhetin e vitit 2020”, të ndryshuar”, Kuvendi ka miratuar ndryshimi i buxhetit për vitin 2020.
Në ndryshimet e buxhetit që përfshin paketën e dytë ekonomike është vendosur falja e gjobave dhe shtyrja e qirave, për shkak të pandemisë së koronavirusit.
Gjatë seancës së Kuvendit nuk kanë munguar debatet dhe replikat. Ish-ministri i Shëndetësisë, Ilir Beqja është vënë në qendër të akuzave pas deklaratës së bujshme, se pensionet dhe pagat duhet të ulen për të arritur daljen nga kriza e koronavirusit.
Në seancë sot, Beqja tha se e kishte fjalën për pensionin e Petrit Vasilit dhe Klajda Gjoshës.
Kjo ka qenë seanca e fundit që do të zhvillohet gjatë kësaj pandemie, pasi deputetët i presin dy javë pushim dhe më pas do të vendoset nëse Parlamenti do të rihapet sërish në varësi të situatës së krijuar nga koronavirusi.
