Kryeministri Edi Rama ka bërë me dije se si do të organizohet lëvizja gjatë fundjavës.
Sipas asaj që bën me dije Rama, të shtunën 2 maj dhe të dielën 3 maj, pensionistët do të lejohen të dalin lirisht deri në orën 10.00, ndërsa gjithë të tjerët duhet të qëndrojnë brenda në shtëpi gjatë kësaj fashe orari.
Ndërkohë, për prindërit me fëmijët deri në 14 vjeç do të lejohet të dalin lirisht të shtunën dhe të dielën nga ora 11.00 deri në orën 17.30.
Sa i përket ushqimoreve dhe farmacive, ato do të lejohen të qëndrojnë hapur vetëm të shtunën, 2 maj, deri në orën 17.30, ndërsa të dielën do të mbyllen.
Kryeministri thekson se gjatë të shtunës dhe të dielës do të ndalohet kategorisht qarkullimi i automjeteve private.
