Aktorja Drew Barrymore dhe rrjeti i supermarketëve Walmart kanë denoncuar njëra-njetrën pasi akuzohen për kopjim të dizajnit të copës së jastëkëve.
Muajt e fundit aktorja 45 vjeçare është shprehur krenare për biznesin e saj “Flower Home” nga Drew Barrymore, që tregton jastëkë, që ato thotë se janë ideuar ekskluzivisht prej saj. Por kompania “Rule of three studio” akuzon aktoren se ka kopjuar dizajnin e saj dhe copën që fabrika turke përdor për krijimin e tyre, duke e shitur si idenë e saj në supermarketët Walmart.
Kompania në fjalë ka nisur të shesë jastëkët që prej vitit 2015 ndërsa Drew prezantoi koleksionin e saj në fund të vitit 2019.
Kompania kërkon edhe ndërprerjen e menjëhershme të shitjes së produkteve nën pronësi të aktores si dhe kërkon përfitimet financiare nga shitja e produktit që nga 2019, kur ato kanë dalë në shitje.
Jastëkët e kompanise “Rule of three studio” janë në shitje për 315$ deri në 565$ por në faqen zyrtare të Walmart, jastëkët në shitje të prodhuara nga Drew nuk janë në listën e çmimeve. 
Një vit më parë Drew Barrymore lançoi linjën e saj të 200 jastëkëve të veçantë, e bashkë me to edhe pajisje të tjera për zbukurimin e shtëpive si vazo apo piktura.
