Gjatë kohës që të gjithë qëndronin në karantinë, në Evropë ka ndodhur një fenomen shumë i rëndësishëm. Vetëm për shkak të bllokimit, ku si pasojë e tij u përmirësua edhe cilësia e ajrit ka bërë që në Evropë të ketë 11 mijë vdekje më pak.
Ky është konstatimi që bën një studim i fundit.
Rënia e trafikut rrugor dhe ajo e emetimit industrial ka ndikuar ka bërë që 6,000 fëmijë t’i shpëtojnë astmës, 1,900 vizita janë shmangur në emergjencë si dhe 600 më pak lindje të parakohshme.
Në krahasim me të njëjtën periudhë të vitit të kaluar, nivelet e dioksidit të azotit kanë rënë me 40 për qind ndërsa materia e vogël e grimcave – e njohur si PM2.5 – është në rënie për 10 për qind, që do të thotë se njerëzit pa COVID-19 mund të marrin frymë më lehtë. Këto dy forma të ndotjes, të cilat dobësojnë sistemin e zemrës dhe frymëmarrjes, janë zakonisht përgjegjëse për rreth 470,000 vdekje në Evropë çdo vit.
Studimi i ri vlerëson se ka gjasa që kjo rënie të ketë ndodhur duke përdorur modele statistikore që ndërthurin të dhëna për cilësinë e ajrit, kushtet e motit, emetimet, popullsinë dhe përhapjen e sëmundjeve. Sipas tyre, numri më i lartë i vdekjeve të shmangura nga ndotja në Gjermani është (2,083), më pas vjen Mbretëria e Bashkuar me (1,752), Italia (1,490) Franca (1,230) dhe Spanja (1,083).
Nga sëmundjet, pothuajse 40 për qind e uljeve të vdekshmërisë kishin të bënin me sëmundjen e zemrës, 17 për qind nga sëmundjet e mushkërive siç janë bronkiti dhe emfizema, dhe 13 për qind secila nga goditjet dhe kanceri. Të tjerët ishin infeksione dhe diabeti.
