SIR Elton John dhe familja e tij vijojnë të qëndrojnë në izolim, në shtëpinë e tyre marramendëse në Los Angelos. Legjenda 73 vjecare e muzikës dhe bashkëshorti i tij David Furish 57 vjec si dhe dy djemtë e tyre Elijah 7 dhe Zachary 9 vjec, duke se e kanë mbajtur veten të zënë me punë këto ditë, por edhe të sigurtë brenda dyerve.
Edhe pse pronarë të vilave e shtëpive në qytete të tjera të botës si Atlanta, Londër, Windsor, Nisë dhe Venecia, familja ka zgjedhur ti kalojë ditët e karantinës në një prej vilave të preferuara, atë në Kaliforni. Cifti e bleu vilën në vitin 2012 për 6 milionë paund dhe u siguruan që aty të rrisnin edhe dy djemtë e tyre. Ajo cka bie në sy në fotot e publikuara në rrjetet sociale është kuzhina me ngjyra, dritat e ngrohta dhe lulet.
Me shumë shije ato kanë mobiluar edhe dhomën e ngrënies dhe sallonin e ndenjes, me mure të bardha e dysheme prej druri. Familja ka shijuar këto ditë, si kurrë më parë, edhe kinemave brenda shtëpisë së tyre, me filma bardhë e zi të viteve 40-50 apo edhe premierat aktuale. Vilës nuk i mungojnë fushat sportive të futbollit apo tenisit, pishina apo palestra. Gjatë një interviste në vitin 2016, Elton John pranoi se e kishte ekzagjeruar me blerjen e shumë shtëpive por tashmë thotë se i adhuron dhe nuk mund të heq dorë nga asnjëra prej tyre”.
Edhe kur ka udhëtuar nëpër botë, për shkak të tureve të koncerteve, këngëtari 73 vjecar ka preferuar të marrë shtëpi me qera ose të akomodohet në shtëpitë e tij, pasi urren qëndrimin në hotel. Gjatë muajit prill, ikona e muzikës dhuroi 1 milion dollarë për Fondin e Emergjencës për koronavirusin, në mbrojtje të të infektuarve me HIV/AIDS që mund të prekeshin edhe nga virusi vdekje prurës. Reagimi ishte i jashtëzakonshëm pasi përvec 2.8 milionë fansave të tij në rrjetet sociale, Fondacioni në emër të tij mori mijëra dollarë donacione./Fjala.al/Burimi:TheSun
